Final Chess Masters Bilbao 2008

• Ir al menú principal
• Ir al contenido

• Home
• Harremanak

• Zuzeneko Emankizuna
• Parte Hartzaileak
• Sailkapena eta Partidak
• Bilbo eta Grand Slam-a
• Jardueren Programa
• Txapelketaren Oinarriak
• Argazkiak eta Bideoak
• Berriak eta Elkarrizketak
• Komunikabideentzako Arauak
• Babesleak

AKREDITAZIO ETA FUNTZIONAMENDU ARAUAK
kazetari eta hedabideentzako Xake Txapelketan:
Bilboko Grand Slam-eko Maisuen Finala, 2008

1.- Sarrera

Akreditazio eta funtzionamendu arau hauen helburua honako hau da: hedabide ezberdinetako kazetariek euren lana ahalik eta modu eraginkorrenean gauzatzeko baldintza aproposenak eskaintzea. Hala, haien informazio- eta logistika-beharrizanak 2008ko Bilboko Grand Slam-eko Maisuen Final bat antolatzearen ondorioz bete beharreko baldintzekin uztartzea ahalbidetuko zaie.

2.- Akreditazioak

Komunikabide enpresek kazetariak akreditatu ahal izango dituzte Txapelketak irauten duen bitartean ordezkari gisa aritzeko.

Akreditazioen bidez, Prentsa Aretoan egoteko, informazioa eskuratzeko eta ekitaldi eta jai ofizialetara joateko eskubidea edukiko da. Antolakuntza, halaber, hautatzen diren komunikabide enpresen kazetarien ostatu (lau izarretako hotelak) eta egonaldi gastuez (bazkari eta afariez) arduratuko da, aurreikusten diren baldintzen arabera, betiere. Hautaketa hori antolakuntzak dituen baliabideen araberakoa izango da, baita hedabideak Txapelketari buruzko informazioa hedatzeko konpromisoaren araberakoa ere.

3.-Akreditazioak nola eskatu

3.1. Eskaerak posta elektronikoz bidaliko dira ondoko helbidera: pmolina@emeservicios.com eta hurrengo informazioa adierazi beharko da:

1. Hedabidearen izena.
2. Hedabide mota
3. Kazetarien izen-abizenak eta postua
4. Txapelketaren informazio-estalduraren balioestea
5. Bideo eta telebista kamerarik erabiliko direnentz
6. Enpresaren helbidea
7. Telefono eta fax zenbakia
8. Posta elektronikoaren helbidea.

3.2. Akreditazio-eskaerak Txapelketa egingo den helbidera bidaliko dira eta epea ekainaren 15etik abuztuaren 1era artekoa izango da. Antolakuntzak posta elektronikoz jakinaraziko du eskatutako akreditazioak onartu diren edo ez, eta hala dagokionean, Antolakuntzak ostatu eta egonaldi gastuak ordainduko dituen eta zer nolako baldintzen arabera..

4.- Akreditazioak non jaso

Kazetariek banan-banan jasoko dituzte akreditazioak eta aldez aurretik identifikatu ostean. Akreditazioak Prentsa Zentroan bananduko dira 2008ko abuztuaren 15tik irailaren 10ra bitartean.

5.- Dokumentazioa eta euskarriak akreditutako kazetarientzako

Prentsa Zentroak dokumentazioa eta euskarri teknikoa emango die akreditutako kazetariei, lan baldintzak samurtzearren.  Ondoren zerrendatzen da aipatutakoa:

1. Une bakoitzean antolatzen diren ekitaldiei buruzko informazioa.
2. Prentsaurreko guztietan parte hartzeko aukera.
3. Txapelketako parte hartzaile eta antolatzaileekin egiten diren elkarrizketetan laguntza.
4. Informazio-material osagarriak
5. Prentsa jakinarazpenak, egunero.
6. Telefonoa, faxa eta Internet erabiltzeko aukera.
7. Ordenagailu batekin lan egiteko aukera.

6. Akreditutako kazetarien betebeharrak

Akreditutako kazetariek ondoko betebeharrak dituzte:

1. Ezartzen diren prozedura eta arauak betetzea Txapelketa behar bezala gauza dadin.
2. Baimen-txartela une oro ikusgai eramatea.
3. Partidak hasi eta lehenengo 5 minututan kutxa barruan argazkiak ateratzeko eta bideoz grabatzeko aukera.
4. Partidak hasi eta handik 5 minutura ezingo da kutxaren kanpoko aldetik grabatu ez eta argazkiak flasharekin atera ere, lehen adierazi den bezala.

7. Txapelketako Prentsa Zentroa

Prentsa Zentroaren helbidea: Plaza Berria, 10 -2.ezk., 48005 Bilbao. Egunero egongo da zabalik goizeko 11:00etatik egunean jolasten den azken partida baino ordubete beranduago arte.

Babesleak

Laguntzaileak

2008ko Bilbao Master Chess Finalaren antolatzailea

Web orriaren diseinua eta egilea